ПОСТИГНАТ Е ДОГОВОР - „Фајзер“ ќе ги намали цените на лековите на рецепт за Американците

Добивај вести на Viber

Американскиот претседател Доналд Трамп соопшти дека фармацевтската компанија „Фајзер“ ќе ги намали цените на сите лекови на рецепт за Американците со ниски примања кои се дел од програмата „Медикејд“.

Како дел од договорот, компанијата ќе продава нови лекови по најповолни цени какви што важат во другите развиени земји, во замена за изземање од новите увозни давачки.

 Трамп најави дека очекува и другите производители на лекови да го следат примерот.

Американските пациенти плаќаат трипати повеќе за лекови на рецепт отколку во други развиени земји. Трамп долго време врши притисок врз фармацевтските компании да ги усогласат цените со меѓународните стандарди.

Лековите на „Фајзер“ ќе бидат достапни преку новата интернет-платформа на Белата куќа „TrumpRx“, која ќе почне да функционира во 2026 година. 

„Со ова завршува времето кога САД ја субвенционираа здравствената заштита во остатокот од светот“, изјави Трамп на настан во Овалната сала, заедно со директорот на „Фајзер“ Алберт Бурла и министерот за здравство Роберт Ф. Кенеди Џуниор.

#BreakingNews: Today, Pfizer announced a historic and voluntary agreement with @POTUS that will ensure American patients pay lower prices for their prescription medicines. With this agreement in place, we can invest even more boldly in the U.S. – fueling growth, creating jobs,… pic.twitter.com/Im8bJl7yXq

— Pfizer Inc. (@pfizer) September 30, 2025

На 25 септември Трамп најави воведување 100 отсто царина на увоз на брендови или патентирани фармацевтски производи, освен за компаниите што ќе изградат фабрики во САД.

„Фајзер“ е првата компанија која постигна договор со администрацијата. Во јули, Трамп им испрати писмо на 17 најголеми фармацевтски компании со барање да достават планови за намалување на цените до 29 септември. 

„Фајзер“, која произведува во САД и во странство, најави инвестиција од 70 милијарди долари во истражување, развој и домашно производство, за што доби тригодишно изземање од царините.