25 Јули, 2024
0.0282

ПОТРАГАТА ПО ПРАВДА Е МАРАТОН,А НЕ СПРИНТ ТРКА: Јовески со моќна порака го завршува својот мандат како Јавен обвинител

Објавено во: Македонија 25 Декември, 2023

Добивај вести на Viber

Мандатот на Јавниот обвинител на Република Северна Македонија Љубомир Јовески завршува денеска. По тој повод, обвинителот Јовески се обрати кон јавноста и кон јавните обвинители. 

,,Со гордост, задоволство и чест во изминатите шест години ја извршував функцијата Јавен обвинител на Република Северна Македонија.

Во изминатите шест години, Јавното обвинителство го започна процесот на трансформација од целосно затворена, кон институција отчетна и достапна за граѓаните. Состојбите не се лесни, но сепак покажавме и покажуваме истрајност во реформите, а тоа веќе го препознаваат и сите меѓународни институции. Во последниот извештај на Европската комисија навистина се ниски оценките за борбата против корупцијата во земјава и од тоа не можеме да бидеме задоволни. Но, ниту една критика не е насочена директно кон обвинителството. Напротив, се инсистира државата да ги обезбеди и да ги зголеми ресурсите за непречена работа на Јавното обвинителство. Сакам да истакнам дека често поради непознавање на реалната состојба или намерно, правосудството, а со тоа и Јавното обвинителство, се цел на неосновани напади.

Со такви интереси секој си правеше анкети и ги презентираше како релевантни. Се создаде атмосфера дека довербата во нашата работа е нереално многу ниска. На пример, покрај другите предмети правосудството постапува и по граѓански во кои одлуката е во корист само на едната страна. И покрај тоа, во значителен број предмети странките ја прифатиле донесената одлука и не изјавиле жалба. Во јавното обвинителство, пак, бројот на поднесени кривични пријави од граѓани од година во година расте, што исто така е показател дека довербата на граѓаните во нашата работа се зголемува и е многу повисока од презентираната.

Анкетите, онака како што се прават за политичарите и политичките партии, не се соодветни за мерењето на довербата во работата на Јавното обвинителство. Еве само некоку податоци од стручно и релевантно истражување на Светска банка кое деновиве и целосно ќе биде објавено, а се однесува на состојбите со јавната перцепција на правосудството кај нас.

Во ова длабинско и суштинско истражување на пример на прашањето:

Колку се ефикасни правосудните институции?

Генерално позитивна оценка дале 28% од граѓаните и 33% од бизнисмените. Запрашани за ефикасноста конкретно во нивниот предмет за оние што имале такво искуство 47% од граѓаните и 37% од бизнисмените рекле дека се задоволни.

Квалитетот на работата на правосудните институции позитивно го оцениле повторно 28% од граѓаните и 31% од бизнисмените, а во нивен предмет тој процент се искачува на 50% од граѓаните и 42% од бизнимените кои се задоволни од квалитетот на одлуките.

Заслужуваат внимание и податоците на истражувањето на Светска банка на прашањето – колку е фер правосудниот систем? Позитивно се изјасниле 24% од граѓаните и 23% од бизнисмените, додека од оние што имале лично искуство позитивна оценка дале 60% од граѓаните и 55% од бизнисмените.


Дали во изминатите шест години можевме и подобро и повеќе? Сигурно да, но во ниту еден момент не сум престанал да се залагам за повеќе и за подобри резултати.

Сакам да упатам една порака и до колегите јавни обвинители.

Стрпливоста и упорноста се столбовите на секоја кариера во правосудството. Потрагата по правда е маратон, а не спринт трка на кратки патеки и затоа човек мора да одржува темпо и да е истраен. Ве повикувам во секоја можност да ја демонстрирате својата истрајност и решителност во борбата против криминалот. Не дозволувајте поединци да ја извалкаат професијата во која секојдневно се вложувате. Со чесна и напорна работа вашите резултати нема да останат непрепознаени од јавноста.

Би сакал јавно лично да ви се заблагодарам за соработката која ја имавте со мене како прв човек на институцијата.

Ја користам оваа прилика вам, на вашите семејства и на сите граѓани да ви ги честитам претстојните празници и да ви посакам многу среќа, здравје и успеси", истакна тој.

Можеби ќе ве интересира

ПРОШИРУВАЊЕТО НА ПОЗИТИВНАТА ЛИСТА СЕ УШТЕ ПОД ЗНАК ПРАШАЛНИК: за десетина дена ќе се знае дали ќе влезат девет нови лекови

ПРОШИРУВАЊЕТО НА ПОЗИТИВНАТА ЛИСТА СЕ УШТЕ ПОД ЗНАК ПРАШАЛНИК: за десетина дена ќе се знае дали ќе влезат девет нови лекови

ДВЕ КУЌИ И ТРИ ПЛЕВНИ ИЗГОРЕА ВО ПОЖАРОТ ВО НОВО СЕЛО - Ангелов најави дека вешти лица од МВР ќе ја утврдуваат причината (ВИДЕО)

ДВЕ КУЌИ И ТРИ ПЛЕВНИ ИЗГОРЕА ВО ПОЖАРОТ ВО НОВО СЕЛО - Ангелов најави дека вешти лица од МВР ќе ја утврдуваат причината (ВИДЕО)

ТЕТОВЧАНЕЦ СЛЕДЕЛ МАЛОЛЕТНИЧКА И БАРАЛ ДА ВЛЕЗЕ ВО НЕГОВОТО ВОЗИЛО - доби кривична пријава

ТЕТОВЧАНЕЦ СЛЕДЕЛ МАЛОЛЕТНИЧКА И БАРАЛ ДА ВЛЕЗЕ ВО НЕГОВОТО ВОЗИЛО - доби кривична пријава

ХЕЛИКОПТЕР НА МВР ФРЛИ НАД 50 ТОНИ ВОДА ВРЗ ПОЖАРОТ ВО ЈАСЕН - стопирана е опасноста за ширење (ВИДЕО)

ХЕЛИКОПТЕР НА МВР ФРЛИ НАД 50 ТОНИ ВОДА ВРЗ ПОЖАРОТ ВО ЈАСЕН - стопирана е опасноста за ширење (ВИДЕО)

БРОЈНИ КАДРОВСКИ ПРОМЕНИ: Владата со нови решенија за раководните позици на многу институции, еве кој се ќе седне во директорско столче

БРОЈНИ КАДРОВСКИ ПРОМЕНИ: Владата со нови решенија за раководните позици на многу институции, еве кој се ќе седне во директорско столче

СТРУМИЧКА АРЕНА ГАМИНГ ОСТАНА БЕЗ ЛИЦЕНЦА: Министерство за финансии утврди неправилности и во работењето на Државна лотарија

СТРУМИЧКА АРЕНА ГАМИНГ ОСТАНА БЕЗ ЛИЦЕНЦА: Министерство за финансии утврди неправилности и во работењето на Државна лотарија

„Вработувањето како точка беше едно од нашите барања“: специјализантите ги чекаат деталите од најавата на Таравари

„Вработувањето како точка беше едно од нашите барања“: специјализантите ги чекаат деталите од најавата на Таравари

ОПАСЕН ПОЖАР ВО НОВО СЕЛО - во близина на бензиска пумпа, испратени пожарникари и армиски хеликоптер

ОПАСЕН ПОЖАР ВО НОВО СЕЛО - во близина на бензиска пумпа, испратени пожарникари и армиски хеликоптер

ПЧЕЛАР ОД СТРУМИЦА ПРЕДИЗВИКАЛ ПОЖАР - при гаснењето добил изгореници

ПЧЕЛАР ОД СТРУМИЦА ПРЕДИЗВИКАЛ ПОЖАР - при гаснењето добил изгореници