Повеќе од 200.000 заболени од корнавирусот, но Европа е епицентарот сега

Добивај вести на Viber

Европа во моментов е епицентар на коронавирусот, земјите секојдневно регистрираан нови заболени. Рекордна е бројката во Белгија, каде само утринава се потврдеи уште 243 нови случаи . Сега таму има вкупно 1.498 пациенти, од кои дури стотина се на респираторни апарати. Поради фактот дека случаите интензивно се зголемуваат, белгиската влада одлучи од денеска на пладне земјата да биде во апсолутен карантин. Отворени остануваат само аптеките и продавниците за храна. Претседателката на Европската Комисија, Урсула фон дер Лајен, денеска изјави дека Ковид-19 е загрижувачки противник.

-Кога зборуваме за коронавирусот, не би го употребила зборот војна, но Ковид-19 е исклучително загрижувачки противник. Сите кои не сме експерти од оваа област, мислам дека многу го потценивме вирусот, рече Урсула фон дер Лајен.

Австрискиот Канцелар, Себастијан Курц вели штетата од коронавирусот ќе се чувствува многу месеци, а целиот свет ќе изгледа поинаку. Од негова страна не изостана критиката дека има голема некооперативност меѓу државите.

– Во Европа гледаме дека нема солидарност кога нештата стануваат сериозни и тоа ќе доведе до многу дискусии по кризата. Глобализацијата сè повеќе ќе се анализира. Вирусот предизвикува неверојатни последици по економијата и затоа, треба да се вложат сите напори за поддршка на претприемачите и за осигурување на работните места.

Само еден од примерите за последици во економијата е светскиот гигант Ролекс, кој најави прекин на производството во наредните 10 дена. Ваков чекор презедоа и автомобилските компании Тојота и БМВ, кои соопштија дека го запираат производството во фабриките во Европа. Двете фабрики појаснија дека дошло до опаѓање на продажбата на автомобили поради епидемијата на коронавирусот, дека имаат тешкотии во одржувањето на синџирот на набавка, но и дека сакаат да ги заштитат вработените од заразата.