Добивај вести на Viber
Десетина повредени и поплаки за висината на цената на билетите го одбележаа отворањето на првиот аква парк во Скопје, јави телевизијата 24 вести.
Според објавата, едно момче завршило со исечена тетива на ногата, а десеттина други со помали повреди. Надлежните ова го оправдале со невниманието на посетителите, а според директорот на Аква – паркот, местото е атрактивно и очекуваат голема посетеност.
Во новата летна атракција во Скопје ќе работат 35 спасители. Покрај 34 лиценцирани спасувачи кои завршија обука, еден ќе биде преземен од Матка. Аква паркот ќе овозможи и 40 нови работни места, за лица кои ќе бидат ангажирани во угостителските објекти, три кафе-барови и еден ресторан. Ќе има редарска служба и просторија за давање итна медицинска помош.