ПОВИК ОД ВЛАСТИТЕ: Србите кои се во регионот до петок да се вратат дома

Добивај вести на Viber

Српските власти денеска ги повикаа своите граѓани да се вратат од земјите во регионот до петок. 

Српскиот Кризен штаб донесе одлука сите граѓани на Србија, кои престојуваат во Црна Гора, Хрватска и Босна и Херцеговина, да се вратат до петок до 18 часот.

„Апелираме до сите граѓани да се вратат во својата земја до крајот на оваа недела, бидејќи после тоа ќе имаме поинаков режим за секој што ќе влезе во нашата земја“, рече д-р Дарија Кисиќ Тепавчевиќ.

Наведуваат дека она што е многу важно е дека сите земји во регионот се забележува зголемување на бројот на новозаразени. 

„Црна Гора е на трето место, Хрватска и Босна и Херцеговина се на таа листа. Нашата ситуација е многу поповолна. Во оваа прилика, апелираме до сите наши граѓани кои се во овие земји да се вратат во Србија до петок. Од петок во 18 часот се воведуваат контроли за сите патници кои влегуваат од овие земји за да се намали ризикот. Апелираме до сите граѓани да се вратат во нивната земја затоа што после тоа ќе имаме поинаков режим“, посочи д-р Кисиќ Тепавчевиќ.

После  петок Србија ќе воведе надзор за сите патници кои влегуваат во земјата од ризичните држави, прецизирајќи дека надзорот ќе трае 10 дена.

Новите препораки на сите водечки здравствени организации се однесуваат за 10-дневен карантин по враќањето од земја во која епидемиолошката состојба е неповолна.

Во Србија денеска се регистрирани 29 нови случаи од тестирани 5.930 примероци. Вкупно во земјата досега се регистрирани 32.437 позитивни случаи на Ковид-19. Денеска во Србија нема починати од коронавирусот.