Добивај вести на Viber
Кипар од денеска ја зголеми стапката на ДДВ - наместо досегашните 18%, сега ќе изнесува 19%. Одлуката за зголемување на стапката на данокот на додадена вредност, што ја донесе кипарското Министерство за финансии, ќе опфати 80 отсто од стоките и услугите во земјата.
Ваквата мерка се презема како дел од обврските кои кипарската Влада ги презеде во рамките на ланскиот договор со „тројката“ меѓународни кредитори - ЕК, ЕЦБ и ММФ, кои на земјата и обезбедија антикризна помош во висина од десет милијарди евра.
Како резултат на истиот договор, Кипар беше принуден да воведе и нов данок на недвижен имот, како и да го зголеми корпоративниот данок, кој во оваа земја беше еден од најниските во Европа.