Познат бизнисмен убиен во Бугарија

Добивај вести на Viber

Бугарскиот бизнисмен Борислав Манџуков е убиен синоќа пред вратата на станбениот комплекс „Бокар“ во Софија, каде што живеел. Според информациите, 39-годишниот Манџуков бил еден од најпознатите бугарски бизнисмени, сопственик на рестораните „Версај“ и „Булгари“, како и на дискотеката „Егзит“, а во сопственост имал и менувачници и хотели. Но, и самиот честопати имал проблеми со законот, така што против него биле покренати 48 кривични пријави, од кои најголемиот дел за затајување данок и измама. Во 2004 година, тој стана познат во јавноста откако напаѓачи ја киднапираа неговата тогашна девојка, а сегашна сопруга Гаље Пејева и ја држеа повеќе од еден месец барајќи за неа откуп од половина милион евра. Полицијата наводно открила дека доцна синоќа Манџуков бил со свој пријател, кога врз нив бил отворен оган од засега непознат правец. Бугарските власти трагаат по сторителите и мотивите за убиството.