Правобранителството барало од Антикорупциска да ги суспендира обвинителите Бубевски и Ајро
Објавено во: Македонија 13 Мај, 2022
Државното правобранителство побарало од Државната комисија за спречување на корупцијата да ги суспендира обвинителите од ОЈО Скопје Гаврил Бубевски и Артан Ајро затоа што порано како истражители на СЈО не го конфискувале имотот на „Трансмет".
Но од Антикорупциска велат дека немаат таква надлежнот и оти забрана за привремено вршење на јавнообвинителска дејност согласно закон може да изрече јавниот обвинител.
Претходно, Државното правобранителство до ОЈО за гонење организиран криминал и корупција, поднесе кривична пријава против Бубевски и Ајро за кривични дела во предметот „Трансмет", фирмата сопственик на имот кој досега требаше да се продаде и државата тоа да го наплати.
- Државното правобранителство според пријавата имало сознанија дека во ОЈО Скопје се води постапка околу имотот на „Трансмет" и стечајот и затоа има сомневање на постоење на судир на интереси на обвинителите кои ги прибавувале сите предмети и стечајниот предмет. Оттука, Државното правобранителство смета дека постои опасност овие лица да ја доведат во опасност целата постапка која е отворена против нив и од ДКСК бара веднаш тие да бидат суспендирани од нивната положба до завршување на целокупната постапка, рече Владимир Георгиев, член на ДКСК, на денешната седница.
Тој додаде дека по вакви постапувања треба да се донесе стручна забрана доколку е вмешано лицето против кого се води постапка.
- Дополнително на ова во Законот за ЈО член 81 став 3 се вели дека одлука за оддалечување од вршење на јавнообвинителската функција донесува ЈО на РСМ со образложение за супензијата на јавнообвинителската функција. Основаноста на барањето за суспензија може да ја цени само ЈО на РСМ и да донесе отаква одлука. Сметаме дека ние како ДКСК немаме ингеренции за надлежно пстапување, истакна Георгиев.
Можеби ќе ве интересира
ЕВЕ ПО КОЛКУ ПРАТЕНИЦИ БИ ИМАЛЕ ПАРТИИТЕ ВО ИЗБОРНА ЕДИНИЦА 4: ВМРО-ДПМНЕ води со освоени 13 пратенички места
Пендаровски: Се враќам на универзитетот каде што бев порано
„СПИРО РИСТОВСКИ Е ЕДЕН ОД НАЈДОБРИТЕ ТЕРЕНАШИ ВО ИЕ 6“: Дафина му се заблагодари заради помошта
ПОБЕДНИЧКА АТМОСФЕРА И ВО ВЛЕН: Се слави со жива музика
„ТРЕБА ДОБРО ПРЕИСПИТУВАЊЕ ВО СДСМ“ - Сања Лукаревска во „Претрес“
СЕ ОГЛАСИ ДИМИТАР АПАСИЕВ НА ФЕЈСБУК - „Падај сило и неправдо“
ДИК ПАРЛАМЕНТАРНИ ИЗБОРИ: ВМРО-ДПМНЕ 35,70 отсто, ДУИ 20,48, Вреди 17,37, СДСМ 12,14...
„КОАЛИЦИЈАТА НА ВМРО-ДПМНЕ ИМА ОСВОЕНО 70 ПРАТЕНИЧКИ МЕСТА“: Еве што велат од аналитичкиот центар на партијата
„ОД УТРЕ МАКЕДОНИЈА СЕ ПОДГОТВУВА ЗА ПОЛИТИЧКА РОТАЦИЈА“: Меџити тврди дека имало нерегуларности на изборите
