Предупредувачки фотографии: Австралија ги отстрани имињата од цигарите!

Добивај вести на Viber

Во продавниците за цигари во Сиднеј, Австралија, кутиите за цигари никогаш досега не изгледале повознемирувачки. Многу поголемите предупредувања и фотографии од смртоносни ефекти од пушењето се дел од новиот закон за амбалажа кој стапи на сила од 1-ви декември во Австралија. Сите тутунски производи сега мора да се продаваат во исто пакување, во маслиново-кафеава амбалажа и без лого на производителот. Името ќе биде отпечатено со исти, но мали букви, а  Владата се надева дека фотографиите ќе ги згрозат младите кои нема да стекнат навика да пушат цигари. Но, не се сите убедени во тоа. Виктор кој е страствен пушач долги години вели: „Пакувањето за мене е само слики кои можете да ги најдете во кое било место и тоа не ми значи ништо. Искрено, јас всушност се обидувам да престананам со пушењето, но вистината е, единствената причина што јас обидувам да престанам да пушам е моето мало девојче“. И Тутунската индустрија остро лобираше против новиот закон. Тие се загрижени дека другите земји ќе го следат примерот на Австралија. Досега има само експериментални истражувања кои укажува дека новата кампања за амбалажа ќе биде ефективна. Но,министерката за здравство на Австралија Тања Плиберсек е решена да го намали користењето на тутун во Австралија кое сега изнесува 3,4 милиони пушачи. „Тоа единствениот легален производ, кој, ако се конзумира како што препорачува производителот веројатно ќе ги убие половина од своите редовни корисници. Доколку ги знаевме ефектите на тутунот  јас мислам дека никогаш немаше да го легализираме“, вели министерката Плиберсек. Според последните истражувања, тутунит е најголемиот причинител за рак во Австралија. Затоа, сликите кои за згрозувачки, отсега ќе предупредуваат на опасностите од пушењето. Еве како, од почетокот на декември,  изгледа  кутија цигари во Австралија!