Преку оглас ќе се откупува пченица
Објавено во: Агробизнис 05 Јули, 2018
Откако беше прифатено барањето за интервентен откуп. Агенцијата за стоковни резерви ќе објави оглас за набавка на меркантилна пченица. До 15 август ќе биде отворен јавниот оглас за откуп на 13.000 тони домашна пченица. Распишани се 10 лотови по 100 тони и три лота по 4.000 тони пченица.
По завршување јавниот оглас, мелничарите ќе можат да ја понудат откупената пченица од домашните производители на Агенцијата за стоковни резерви.
– Оваа мерка што произлезе како предлог од досегашните одржани состоноци пред почетокот на жетвата со земјоделците и мелничарите, ќе придонесе за зголемување на откупот на домашна пченица, како и за постигнување повисока откупна цена, велат од Министерството за земјоделство.
Паралелно, Министерството ги разгледува опциите за можни интеrвентни измени на Програмата за директни плаќања 2018, во скалестиот начин на субвенции за поледелските култури, пред се за пченицата.
– Жетвата почна, екипи на МЗШВ ги следат приносите и квалитетот врз основа на што деновиве ќе биде објавена производната цена на пченицата, информира Министерството и додава дека ќе ја исполни оваа обрска не само за пченицата, туку и за останатите земјоделски култури.
Според МЗШВ, откупната цена на јачменот достигна девет денари за килограм.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
