„Премиере Мицковски, Правосудството треба самостојно да решава за сопствениот буџет“: СДСМ со остра реакција, ВМРО не останаа без одговор
Објавено во: Македонија 23 Септември, 2025 15:25
Знае ли Мицковски што е независно судство и што претставува поделбата на власта која втемелена во нашиот устав и во поредокот на секоја демократска држава?
Ако знае, тогаш со неговите изјави во делот на правосудството и потребата од зголемување на буџетот за судството на 0,8 отсто и за ЈО на 0,5 проценти од БДП, е не само скандалозна, туку и опасна за владеењето на правото, опасна за демократијата и човековите права и ако сакате опасна бидејќи го руши уставниот темел за поделба на власта.
Ова го посочуваат од опозициската СДСМ денеска како реакција на изјавите на премиерот.
- Премиере, крајно време е да сфатите дека доколку навистина цврсто стоите на заложбите за следење и имплементирање на Реформската агенда и Планот за раст, тогаш тоа подразбира меѓу другото и ефикасен и независен судски систем!
Дали треба да ве потсетиме дека во финалниот извештај на Европската комисија за владеењето на правото во ЕУ-2025, меѓу другото е констатирано дека судството во РСМ се соочува со ограничени финансиски средства, односно недоволни, но и со недостиг на вистинска финансиска независност.
Очигледно е дека оваа влада предводена од ВМРО-ДПМНЕ, не само што ја замајува јавноста дека опстојува на европскиот пат и реформската агенда, бидејќи ниту еден реформски закон не е ниту изготвен, а камо ли донесен согласно јасниот план и агенда, туку веќе со изјави на омаловажување и дискредитација на судиите и јавните обвинители, уште повеќе го разнишува нивниот кредибилитет, а со тоа и довербата на јавноста во правораздавањето - се наведува во соопштението на СДСМ.
Од таму додаваат „Премиере Мицковски, Правосудството треба самостојно да решава за сопствениот буџет заради: повеќе стручни соработници и друг стручен и технички персонал за кој недостатокот е повеќе од алармантен“.
Според СДСМ техничко екипирање и дигитализацијата и секако плати на судии и обвинители, но и на стручниот и техничкиот персонал со што ќе биде вратено достоинството, но и ќе се зголеми отпорноста кон коруптивни дејствија, но и отпорноста на политички влијанија.
- Ако премиерот или министерот за правда чуле и знаат за Бенгалорските принципи кои почиваат на клучното, а тоа е градење механизми кои ќе ја спречат политизацијата на судството.
Но очигледно е дека целта на оваа влада не е независно судство, а со тоа ниту владеење на правото. Како поинаку да ја толкуваме изјавата на премиерот дека логична била промената на членовите на работните групи кои работеле на изработка на реформските закони, бидејќи дошол нов министер, но никако несакал политички импут!?
Да не е трагично, би било смешно! - се потенцира во соопштението на опозициската СДСМ.
Кратко по нивната објава реагираа и од владејачката ВМРО-ДПМНЕ од каде велат „навистина е мачно да се гледаат СДС во нивната безидејност и дезориентираност. Ако се за реформи, зошто СДС не ја поддржаа смената на Љупчо Коцевски?“.
- СДС се за се, само не се за реформи на правосудниот систем, затоа што и во судството и во обвинителството имаат свои луѓе кои ги штитат од одговорност а сторените криминали.
Секогаш кога ВМРО-ДПМНЕ прави реформи, СДС со сите сили ги блокира.
Освен што го штитеше Коцевски во Собрание, СДС не гласаше дури ни за интерпелациите на членовите на Судски совет - се посочува во соопштението на ВМРО.
Од партијата додаваат дека „за време на седумгодишното владеење на СДС и ДУИ, судии и обвинители се бираа во нивните партиски штабови во Струмица и Зајас“.
- Па, така, нивните избраници наместо за правдата и за народот, работат за кликата на СДС и ДУИ, а овие ги штитат од разрешување.
Довербата од 2 отсто, со последната пресуда условна казна, за случајот онкологија, ја срози на нула.
На судскиот систем, не само што му се потребни реформи на кои СДС се противи и ги блокира, туку тој е зрел за целосен ремонт - нагласуваат од ВМРО-ДПМНЕ.
Можеби ќе ве интересира
ИЈЗ: Кога квалитетот на воздухот е лош – заштитете го вашето здравје!
ИЈЗ: Кога квалитетот на воздухот е лош – заштитете го вашето здравје!
СДСМ ИЗГУБИ НА СУД ОД МИЦКОСКИ: Апелација пресуди дека изнесувале невистини и клевети против него
СДСМ ИЗГУБИ НА СУД ОД МИЦКОСКИ: Апелација пресуди дека изнесувале невистини и клевети против него
ПОВЕЌЕТО ОД ОСУДЕНИТЕ ЗА 27 АПРИЛ, ДОБИЛЕ УСЛОВЕН ОТПУСТ: Издржале повеќе од две третини од казните
ПОВЕЌЕТО ОД ОСУДЕНИТЕ ЗА 27 АПРИЛ, ДОБИЛЕ УСЛОВЕН ОТПУСТ: Издржале повеќе од две третини од казните
Европското знаење го применува дома: Милијана Богданоска праќа големи пораки преку еко начинот на живот
Европското знаење го применува дома: Милијана Богданоска праќа големи пораки преку еко начинот на живот
ФИЛИПЧЕ МУ ВОЗВРАЌА НА ШИЛЕГОВ? ВМРО-ДПМНЕ најдоа еден од нас послаб, ги искористија неговите приватни проблеми
ФИЛИПЧЕ МУ ВОЗВРАЌА НА ШИЛЕГОВ? ВМРО-ДПМНЕ најдоа еден од нас послаб, ги искористија неговите приватни проблеми
УШТЕ ЕДНА ПРИЈАВА ЗА ПОРАНЕШНИОТ ГРАДОНАЧАЛНИК НА СТРУМИЦА - МВР го гони за несовесно работење и злоупотреба на службата
УШТЕ ЕДНА ПРИЈАВА ЗА ПОРАНЕШНИОТ ГРАДОНАЧАЛНИК НА СТРУМИЦА - МВР го гони за несовесно работење и злоупотреба на службата
МВР: Вработени од тетовското социјално одобрувале надомест со фалсификувано конзилијарно мислење
МВР: Вработени од тетовското социјално одобрувале надомест со фалсификувано конзилијарно мислење
СДСМ: Неуспешен обид да се прикаже уривање одвнатре, очигледно темата со мигрантите е многу поголема
СДСМ: Неуспешен обид да се прикаже уривање одвнатре, очигледно темата со мигрантите е многу поголема
УАПСЕН БУЈАР ДАРЛИШТА, ЕКС ДИРЕКТОР НА УПРАВАТА ЗА ВОДЕЊЕ НА МАТИЧНИ КНИГИ: Тошковски со детали за апсењето
УАПСЕН БУЈАР ДАРЛИШТА, ЕКС ДИРЕКТОР НА УПРАВАТА ЗА ВОДЕЊЕ НА МАТИЧНИ КНИГИ: Тошковски со детали за апсењето
