Приштина ја повлече одлуката за царините, за Бектеши ова е потврда за добри односи
Објавено во: Агробизнис 31 Јули, 2018
Одлуката за зголемените царини косовската Влада ја укина во целост.
Ова го соопшти денеска министерот за економија, Кресник Бектеши.
Тој вели дека ова е уште една потврда за добрите односи меѓу двете земји.
„Пред неколку минути бев информиран дека Косово ја повлече одлуката во целост, а претходно на владината седница на косовската Влада, биле земени предвид аргументите што беа изнесени од македонската страна на петочната средба во Приштина“ – изјави Бектеши.
Тој во петокот имаше средба со косовскиот колега Бајрам Хасани но, се врати без конкретен договор.
Косово ја воведе одлуката на 18 јули годинава и со неа царините за вкупно 21 земјоделски производ беа зголемени за 30 отсто.
Македонските стопанственици и производители претходно беа на ставот дека одлуката на Косово треба што поскоро да се повлече бидејќи штетите се големи.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
