ПРИШТИНА ПРОДОЛЖУВА ДА УСЛОВУВА: Визна либерализација или ќе го прекинат дијалогот
Објавено во: Балкан 09 Ноември, 2018
Премиерот на привремените институции во Приштина Рамуш Харадинај, и неговиот заменик Енвер Хоџа, наговестија можност за прекин на дијалогот со Белград, доколку прашањето со визната либерализација за Косово не биде на дневен ред во декември.
Како што пишува приштинска „Epoka e re“, тие ги сметаат за разумна поврзаност овие два процеси.
Харадинај и Хаџај, наведува овој дневник, сметаат дека не е во ред тоа што Брисел ја притиска Приштина на дијалог, а истовремено не донесува одлука за визна либерализација за Косово.
Претставници на власта во Приштина им ветиле на граѓаните дека визна либерализација ќе добијат до крајот на оваа година.
Меѓутоа, повеќе претставници на ЕУ изминатите месеци предупредувале дека Приштина не ги исполнила сите критериуми за добивање на визна либерализација, некои земји на тоа јавно се спротивставиле, а самиот процес е во тек.
Foto: Profimedia/AFP