Продажбата на таблетите ќе се зголеми за 67,9 отсто, а на персоналните компјутери ќе падне за 10,6 отсто

Добивај вести на Viber

Продажбата на таблет-компјутерите, паметните телефони и компјутерите во 2013 година би требало да биде поголема за 5,9 отсто, во однос на 2012 година.

И додека таблетите ќе забележат пораст на продажбата од дури 67,9 проценти продажбата на персоналните компјутери ќе падне за 10,6 отсто.

Оваа година би требало да се продадат околу 305 милиони компјутери, 202 милиони таблети, а дури 1,8 милијарди паметни телефони. Па така се доаѓа до вкупна бројка од 2,35 милијарди продадени уреди од тој вид.

"Потрошувачите сакаат во секој момент и на секое место да имаат уред кој ќе им овозможи лесно да пристапат до содржината, но и да креираат сопствена, како и да разменуваат содржина со други уреди", изјави Каролина Миланеси, потпретседателка на "Gartner".

Аналитичарите за крај додаваат дека пристигнувањето на Windows 8 не успеало да ги „оживее" персоналните компјутери.

Аналитичката куќа посочува и на тоа дека паметните телефони и таблет компјутерите имаат се подолг животен век, како и тоа дека акцентот повеќе не е на хардверот, туку на софтверот.

Според нивните предвидувања Android ќе биде доминантен оперативен систем во светот. Повеќе од една третина од сите испорачани уреди во 2013 година ќе користат Android, а нивниот удел на пазарот ќе се зголеми во 2014 година и ќе зафаќаат половина од сите продадени уреди.

„Apple “присутен во сите сегменти на пазарот со различни уреди. За разлика од тоа, 90 проценти од Android уредите се наоѓаат во сегментот на паметни телефони, а 85 проценти од Windows уредите се персонални компјутери“ - покажуваат резултатите на Gartner.