„Продис“ почна со извоз на рускиот пазар од фабриката во Бунарџик

Добивај вести на Viber

Руско-македонската фармацевтска компанија „Продис“ која пред неколку емсеци започна со производство во фабриката во Бунарџик, почна со извоз на рускиот пазар, најпрво на органски и конвенционални цералии „ДанкаД“, а се подготвува и пласманот на органски и билни чаеви „Максан“. како што информираат од компанијата, органските мултивитамини и минерали „БИО Санвит“ ќе се извезуваат во вториот квартал на 2013 година. “Извезуваме производи чија вредност е 100.000 илјади евра. До крајот на овој месец е предвидено да извеземе производи во вредност од 150.000 илјади евра. Компанијата претставува значајна гринфилд инвестиција за Република Македонија. Работи согласно највисоките стандарди за квалитет, ГМП, ИСО и ХАЦЦП. Со ова можеме да ја означиме и потврдиме успешноста на инвестицијата и воедно, ова би бил додатен мотив за странските инвеститори да го вложуваат својот капитал во Македонија“ се вели во соопштението од компанијата. Компанијата, единствена од ваков тип во Македонија и на Балканот, е дел од рускиот фармацевтски холдинг „Протек груп“. Почна со работа на 31 октомври лани како една од производствените фабрики во технолошко-индустриската развојна зона Бунарџик. „Продис“ чие отворање беше највено како инвестиција од 8 милиони евра, креира високо-квалитетна палета конвенционални и органски производи, чаеви, пченкарни снегулки и мусли, конвенционални витамински препарати и хомеопатски лекови и козметика. Пласира палета производи кои ги задоволуваат потребите на модерниот човек, а воедно се прилагодени на условите на современиот живот и лесно достапни за потрошувачите ширум светот. „Протек груп“ е еден од најголемите фармацевтски холдинзи во Русија што се занимава со производство, дистрибуција и трговија на лекови и козметика. Вработува 12.000 луѓе и има годишен обрт од четири милијарди долари.