ПРОДОЛЖУВА СУДЕЊЕТО ЗА ДВОЈНОТО УБИСТВО: Ќе сведочи мајката на Вања
Објавено во: Македонија 12 Октомври, 2024
Во понеделник ќе продолжи судењето за двојното убиство на Вања Ѓорчевска од Скопје и Панче Жежовски од Велес, а ќе сведочи мајката на Вања, Зорица Ѓорчевска.
Четворицата обвинети Љупчо Палевски-Палчо, Велибор Манев, Боре Видевски и Влатко Кешишов претходно се изјаснија за невини, а мајката на Вања побара исклучување на јавноста за да се заштити приватноста на семејството. Сепак, судот не го прифати нејзиниот предлог. Според обвиненијата обвинетите испланирале грабнување на девојчето за да принудат член на семејството да плати откуп. Грабнувањето и убиствата, се случија во ноември 2023 година. Првообвинетиот Палевски избега во Турција и таму полицијата го уапси во градот Баликесир. Целиот регион беше шокиран од исчезнувањето на девојчето, но и од фактот кој потоа се откри, дека се работи за двојно убиство.