Професори, академици, научна фела со став Македонија да ги прекине преговорите за името со Грција
Објавено во: Македонија 27 Март, 2018
Академици, научници со својот став за преговороите со името. На трибина со јасни аргументи и одбрана, како да се реши големиот проблем кој Македонија го носи на своите плеќи.
Некои од ставовите се прекин на разговорите со Грција за името, неменување на идентитетот, јазик и културата на македонскиот народ, пишува МРТ.
Академик Витомир Митевски вели дека со грчкиот предлог- име за севкупна употреба, ни се менува државното уредување и се декомпонира општеството по сите основи.
Професорката Билјана Ванковска,пак вели дека нашето државно раководство ги води преговорите без консултации со експертската и научната јавност. За тоа, претходно народот треба да се изјасни на референдум. Според неа, разговорите треба да се напуштат, а решението да се бара во Генералното собрание на Обединетите нации.
Пресудата на Меѓународниот суд на правдата е во наша полза и затоа треба да продолжиме решението да го бараме според принципите на меѓународното право, беше речено на трибината.
Учесниците беа едногласни дека власта треба да ги земе предвид аргументите на научната заедница. Велат дека тоа може да помогне во градењето на државна стратегија, базирана врз консензус на сите општествени фактори.