ПРОМЕНЛИВО ОБЛАЧНО, СО ГРМЕЖИ, ДОЖД, ВЕТЕР - синоптичарите предупредуваат 'бидете внимателни'

Добивај вести на Viber

Под влијание на голема влажна  и нестабилна воздушна маса од запад која е поврзана со циклонската активност со центар над Џеновскиот залив од вчера, и во текот на денешниот ден времето во Македонија ќе биде променливо и нестабилно со повремени поројни врнежи од дожд, грмежи и засилен ветер од југозападен правец (повремено и со брзина од над 60 км/час).

- Локално атмосферските процеси ќе бидат поинтензивни и во форма на невреме проследено со обилен пороен дожд за кратко време кој може да услови локални поројни поплавувања, силен ветер, електрични празнења  и со појава на град. Токму поради очекуваното невреме кај нас, апелирам граѓаните да обратат голема внимателност, тоа значи во случај на појава на електрични празнења да не се претстојува на отворен простор и под осамени дрвја. 

Исто така во случај на појава на силен ветер граѓаните своите автомобили да ги заштитат, а тоа значи да не ги ставаат во близина на дрвјата, особено оние дрвја кои се стари и осамени - пишува метеопрогнозерот Славчо Попоски. 

Тој на својата „Метоаларм“ објави дека слично време ќе го зафати и главниот град, каде ќе имаме исто така променливо облачно и нестабилно со повремен пороен дожд, грмежи и засилен ветер од југозападен правец. 

- Во делови од котлината ќе има услови за појава на невреме, проследено со обилен пороен дожд за кратко време, силен ветер, електрични празнења  и со услови за појава на град.

Поради продор на значително посвежа воздушна маса од север температурите ќе се искачуваат во интервалот од 23 до 32 степени, а во Скопскиот регион температурата ќе се искачи до околу 29 степени. Тоа значи ќе биде значително посвеж и со повремено засилен ветер од северен правец, најизразен во Повардарието - нагласува Попоски.