19 Јули, 2025
0.0262

Промоција на книгата „Околу три по полноќ“ од Димитрие Дурацовски

Објавено во: Мои пари 16 Јуни, 2025 13:04

Добивај вести на Viber

Новата книга „Околу три по полноќ“ од Димитрие Дурацовски ќе биде промовирана на 19 јуни (четврток), во 19 часот, во „Литература.мк“ во „Дајмонд мол“. Промотори на делото, кое е во издание на „Арс Либрис“, дел од „Арс Ламина – публикации“, ќе бидат Влада Урошевиќ , кој го напиша пoговорот на книгата, и уредничката - Оливера Ќорвезироска.

„Околу три по полноќ“, која е прва публикација на Дурацовски по пауза од една деценија,  е уникатно издание, отпечатено со две различни корици: празничен примерок и делничен примерок. На неодамна доделените награди на Македонската асоцијација на издавачи, на Саемот на книгата 2025, книгата освои второ место во категоријата за највпечатлив целосен дизајн (корица и внатрешност) на издание за возрасни.

„Околу три по полноќ“ е многу нешта: хибридна проза, експериментален роман, несекојдневен дневник... прегратка меѓу текстуалното и визуелното, меѓу дарбата и знаењето... но, над сè – раскошен каталог на едно широко време и едно длабоко постоење. Бесценет експонат од изложбата на современата македонска книжевност.
Станува збор за речиси графички роман, каде што визуелното е еден вид доработка на раскажувачкиот ритам на Дурацовски. Во книгата се вклучени повеќе од 120 фотографии, плакати, омоти од книги и плочи, како и уметнички слики, сè со целосна реализација на хибридниот текстуален концепт и на визуелно ниво.

Во дизајнот на кориците, чиј автор е Марко Трпески, искористена е слика од самиот Дурацовски, врз која е интервенирано со негова фотографија. Колажната постапка на Трпески создава несекојдневен визуелен ефект, каде што авторот на книгата и на сликата се појавува како реален лик: еднаш во костум (празничен примерок), другпат во обична кошула (делничен примерок).

Димитрие Дурацовски (1952) е писател и сликар, кој работел како ликовен соработник во Народниот музеј во Струга. Припаѓа на т.н. петта генерација, односно петтиот круг на автори што се појавија на македонската книжевна сцена во 1980-тите години. Тој е и предвесник на современиот концептуален ликовен израз во Македонија. Целиот негов опус е обележан со постмодернистичка естетика. Автор е на култните збирки раскази „Тајна историја“ и „Црни пророци“, како и на романите „Insomnia“ и „Бледи сенки, далечни гласови“. „Околу три по полноќ“ е неговата петта книга – хибридна проза, експериментален роман, несекојдневен дневник... но, над сè, раскошен каталог на едно широко време и едно длабоко постоење. Дурацовски е двократен добитник на наградата „Рациново признание“ (за „Insomnia“ и за „Бледи сенки, далечни гласови“), како и на државната награда „11 Октомври“ за животно дело. Во 2023 година, во Националната галерија Чифте-амам беше отворена неговата ретроспективна изложба „Ветар параклет“, прва по речиси 40 години неизложување.

Книгата „Околу три по полноќ“ е достапна во сите поголеми книжарници, како и онлајн на www.literatura.mk.

ПР објава

Можеби ќе ве интересира

Ноќ кога аплаузите го сопреа времето - Магична вечер во Битола што ја помести границата меѓу уметноста и вечноста

Ноќ кога аплаузите го сопреа времето - Магична вечер во Битола што ја помести границата меѓу уметноста и вечноста

Мелис, Мира и Малахат – тројката родена во Жан Митрев Клиника заминува дома

Мелис, Мира и Малахат – тројката родена во Жан Митрев Клиника заминува дома

ЕДС Инфо поинт: Просечната цена на струјата на HUPX берзата за петок 18.07.2025 изнесува 107,83 евра за мегават час, на МЕМО 109,18 евра за мегават час

ЕДС Инфо поинт: Просечната цена на струјата на HUPX берзата за петок 18.07.2025 изнесува 107,83 евра за мегават час, на МЕМО 109,18 евра за мегават час

Македонски Телеком и оваа година ја има најдобрата мрежа во Македонија

Македонски Телеком и оваа година ја има најдобрата мрежа во Македонија

МЕНТОРСТВОТО – НАЈСИЛНАТА АЛАТКА ЗА РАСТ И ОПСТОЈУВАЊЕ НА МАЛИТЕ БИЗНИСИ

МЕНТОРСТВОТО – НАЈСИЛНАТА АЛАТКА ЗА РАСТ И ОПСТОЈУВАЊЕ НА МАЛИТЕ БИЗНИСИ

Грекос грчки јогурт – кремасто задоволство за секоја пригода

Грекос грчки јогурт – кремасто задоволство за секоја пригода

Мирен сон под летните ѕвезди: лесни ритуали за вечерна магија!

Мирен сон под летните ѕвезди: лесни ритуали за вечерна магија!

„Сакам да работам“ до коалициите Вреди и Европски фронт: Дали заради вашата политичка пресметка треба без егзистенција да останат 10 илјади луѓе?

„Сакам да работам“ до коалициите Вреди и Европски фронт: Дали заради вашата политичка пресметка треба без егзистенција да останат 10 илјади луѓе?

Со Халки, создадете мали навики за исполнување на големи соништа

Со Халки, создадете мали навики за исполнување на големи соништа