Промовирана услугата за безготовинско плаќање на нови лични документи
Објавено во: Мои пари 27 Февруари, 2013 12:24
Вицепремиерот и министер за финансии Зоран Ставрески и министерката за внатрешни работи Гордана Јанкулоска денеска ја промовираа новата услуга за безготовинско плаќање преку ПОС терминали при аплицирање за нови лични документи.
Со можноста за плаќање на трошоците за вадење документи преку ПОС терминали постапката за издавање документи е многу поедноставена, односно граѓаните од денеска на лице место ќе можат да изршат плаќање со платежна картичка.
- Тоа значи дека граѓаните може да закажат по електронски пат и со само едно доаѓање на местото на издавање на документите да ги завршат сите административни процедури на многу поедноставен начин, притоа избегнувајќи го непотребното трошење време, констатира Јанкулоска.
Според неа, корисно за граѓаните е и тоа што со оваа услуга провизијата потребна да се плати за издавање документи е многу помала зависно од типот на документи. Нагласи дека ова е дел од реформите кои Владата ги спроведува во функција на доближување на услугите на администрацијата до граѓаните и овозможување подобар сервис за реализирање на сите нивни потреби.
Во МВР на територијата на Република Македонија инсталирани се вкупно 167 ПОС терминали, а бројот на службеници од МВР обучени да ракуваат со нив изнесува 170.
Вицепремиерот Ставрески потенцирајќи дека на овој начин за граѓаните значително се намалуваат трошоците, посочи дека овој проект е уште една мерка во функција на подобрување на услугите и нивна поголема достапност до граѓаните.
- Претходно ние воведовме можност за плаќање на административните такси, а подоцна и на судските такси, преку СМС порака преку мобилните телефони, при што го сменивме лимитот до кој износ тоа може да се врши, но се во функција граѓаните полесно да ги завршуваат работите, потсети Ставрески.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Халкбанк со донација на компјутерска опрема ја зајакнува дигиталната настава во ДУЦОР „Партенија Зографски“
Стопанска банка финансиски ќе поддржи нови 16 инклузивни проекти како дел од седмото издание на „Сонуваме.Менуваме“
ВИДЕОЛОТАРИЈА КАСИНОС АВСТРИЈА – ПОДДРЖУВАЧ НА КУЛТУРАТА: ШЕХЕРЕЗАДА ВО МОБ
Каде ќе бидеш ти кога ќе се решава најинтензивната F1 сезона досега?
Постепено месечно вложување: најлесен начин да ги остварите вашите цели
Business for Business форум 2025 - Комерцијална банка ги спои иновациите со успешните бизнис приказни
АмЧам избра нови членови во Одборот на Директори и го прослави 25 годишниот јубилеј
Живко Мукаетов реизбран за член на Одборот на директори на Американската стопанска комора
Централен настан по повод Денови на финансиска писменост: Финансиската писменост е темел за стабилност и самостојност
