Промовирани македонските преработки од зеленчук во Шведска

Добивај вести на Viber

Во рамките на активностите за промоција на македонски производи и зголемување на македонскиот извоз, Агенцијата за странски инвестиции и промоција на извозот заедно со амбасадата во Шведска, а со поддршка на АгБиз програмата на УСАИД, организираа студиска посета и деловни средби во Шведска за претставниците од вредносниот синџир за преработки од зеленчук. Целта на посетата  од 18 – 20 март беше  презентирањето на македонските компании Ларс, Випро, Вори, Универзал промет и Бонум и да се зголеми пласманот на македонски производи на шведскиот пазар. За време на престојот, петте македонски компании го посетија најголемиот малопродажен ланец во Скандинавија ICA – лидер во малопродажбата на прехранбени производи. Исто така се одржа промоција во „Гранд Хотел" во Стокхолм каде беа претставени извозните потенцијали на Македонија пред претставници на најголемите маркети, увозници и дистрибутери на храна на шведскиот пазар. -Основната цел на оваа активност беше да се посетат големите увозници/дистрибутери/продавачи на мало кои тргуваат со преработки од зеленчук, да се презентираат македонските производи и да се увиди можноста за поголем извоз на нашите производи во Шведска.Тргнувајќи од фактот дека првите импресии се повеќе од позитивни, сметаме дека посетата беше многу успешна и ќе овозможи воспоставување на нови деловни контакти и зголемен извоз на нашите традиционални производи во Шведска, “ изјавија  претставниците на македонските компании.