Просечната нето- плата во декември 350 евра

Добивај вести на Viber

Просечната месечна исплатена нето-плата по вработен, во декември 2012, изнесува 21 469 денари  или 350 евра и е за 0,3% поголема споредена со истиот месец минатата година, покажуваат податоците на Државниот завод за статистика. При тоа најголеми плати во декември се исплатени во информатичко-комуникацискиот сектор, кај вработените во воздухопловството и кај фармацевтската индустрија. Според податоците на Заводот за статистика зголемувањето на нето платите по вработен во декември најмногу се должи на зголемувањето на просечната месечна исплатена нето-плата по вработен во секторите земјоделство, шумарство и рибарство за 440%), информации и комуникации (3,8%) и дејности на здравствена и социјална заштита (3,5%). Зголемување на просечната месечна исплатена нето-плата по вработен, во однос на претходниот месец, е забележано во секторите: информации и комуникации (45,8%), трговија на големи и трговија на мало; поправка на моторни возила и мотоцикли (7,9%) и снабдување со електрична енергија, гас, пареа иклиматизација (6,5%). Во исто време просечната исплатена нето плата пораснала за 0,4% на вкупно 31.466 денари или 512 евра. Во декември 2012 година, 2,1% од вработените во Македонија не примиле плата