Протест на „Правда за Алмир“ денес пред Собрание
Објавено во: Македонија 19 Април, 2018
Иницијативата „Правда за Алмир“, денес во 9:15 часот ќе одржи симболичен протест пред Собранието на Република Македонија, во пресрет на обраќањето на високата претставничка за надворешни работи и безбедносна политика Федерика Могерини.
„Утре во 9:15 пред Собрание на РМ, да ја поздравиме г-ѓа Могерини“, стои во повикот.
Иницијативата во неколку наврати потсети дека ќе ја продолжи својата борба за овој случај како и за сите останати за кои постои сомневање дека се неправилно пресудени.
Тие испратија и писмо до амбасадорите на земјите членки на Европската Унија, амбасадорите на земјите членки во НАТО, ОБСЕ, шефовите на делегациите на ЕУ и ОБСЕ во Македонија, во кое го бараат нивното внимание случајот со Алмир, но и за македонското правосудство за кое велат дека е далеку од непристрасно и праведно.