Тачи: Јас бев главен преговарач за Европскиот фронт, ВМРО-ДПМНЕ веднаш одбија
Објавено во: Македонија 08 Октомври, 2024
Мендух Тачи, лидерот на ДПА, кој веќе објави дека излегува од Европскиот фронт, во интервјуто за „Клан Македонија“ вели дека оваа коалиција предводена од ДУИ веднаш била одбиена од ВМРО-ДПМНЕ за формирање на владеачко мнозинство по парламентарните избори.
Тој во разговор со телевизијата рече дека добил овластување од Европскиот фронт да биде главен преговарач со ВМРО-ДПМЕН за евентуално коалицирање.
„Јас бев главен преговарач на Фронтот кога отидовме на разговори со ВМРО за оваа Влада. Беа децидни дека не соработуваат со нас затоа што сакаат да ја унапредат својата антиалбанска политика, а тема на средбата беа уставните измени и евроинтеграциите“, рече Тачи.
Лидерот на ДПА додаде дека од ВМРО-ДПМНЕ му била понудена функцијата претседател на Собранието, но дета тој не прифатил.