Протести во Бразил против Мундијалот

Добивај вести на Viber

Бразилската полиција фрли солзавец на околу 500 домородци - индијанци кои ги стрелале со стрели, и уште околу 500 претставници на разни социјлани групи кои вчера протестираа против одржувањето на Светското првенство во Бразил, осудувајќи го прекумерното трошење на пари.

Индијанците од Амазон носеа традиционална носија а поедници исфрлуваа стрели на полицијата. Еден од полицајците стрелата го погодила во нога и иститот е опериран.

Поедини припадници на домородското племе видени се како фрлаат камени на окол 700 полицајци кои го чуваа фудбалскиот стадион во Рио де Женеиро.

„На кој му служи Светското првенство. Не и нам“, извикуваа демонстрантите. „Јас не сакам Куп, јас сакам пари за здравство и образование“ говореа тие.

Покрај тоа, индијанците протестираа и поради загрозување на нивните права на земјата на нивните предци во корист на белите земјопоседници.

Домородците претставуваат 0,3 одсто од околу 200 милиони жители на Бразил и живеат на околу 12 посто територија, покрај реката Амазон.

Тие често спорат со богатите земјопоседници кои контролираат 46 одсто од земјишните култури. Планираат да одржуваат протести во повеќе бразилски градови па дури и во странство.

Бразил се соочи со серија протести против одржувањето на Светскто првенство и 11 милијарди долари од буџетот што се одвоени за него, наведувајќи дека тие пари требало да одат во програми за помош на сиромашните.

Светското првенство ќе се одржува во 12 бразилски градови во периодот од 12 јуни до 13 јули.