Протестите во Шпанија и Грција го слабеат еврото

Добивај вести на Viber

Веќе втора седмица по ред еврото слабее на светските пазари како резултат на масовните штрајкови против новите мерки за штедење во  Шпанија и Грција. Курсот на еврото минатата седмица падна за 0,9 %, односно едно евро се менуваше за 1,2856 долари. Во однос на јапонската валута падот беше уште поголем 1, 2% или 100,15 јени за евро. И доларот изгуби вредност во однос на јапонскиот јен за 0,3 %,  па цената му падна на 77,95 јени. Ваквиот негативен тренд на слабеење на еврото  е во директно поврзан со масовните протести во Шпанија и Грција, а како резултат на барањето на еврозоната, овие држави да ги намалат своите трошоци и да почнат со штедење. Приносите од 10-годишните  шпански државни обврзници повторно надминаа шест проценти, па поради тоа останува неизвесно дали Шпанија и официјално ќе ја побара меѓународната помош за надминување на кризата. Во меѓувреме, Владата сепак го стега ременот и планира до идната година заштеди од околу 40 милјарди евра, но нема намера да ги зголеми даноците. И за Грција останува прашањето дали земјата ќе биде во можност да ги исполни своите цели во рамките на договорениот пакет помош. Со оглед на тоа што грчките трошоци се двојно поголеми од договорените кредити, се проценува дека ќе биде побарано ново реструктуирање на долгот од Европската Централна Банка. Како што најавуваат дел од јапонските финансиски аналитичари,  еврото постепено ќе слабее. Според нив, постои ризик од намалување на шпанскиот кредитен рејтинг,  грчките преговори може да пропаднат, а со последните протести, економијата во целата еврозоната останува на несигурен терен.