21 Јануари, 2019
0.3031
    ALK 8300.23    -0.01%     BGOR 270    -5.26%     GECK 500    0%     GECT 500    0%     GRNT 824.4    -0.07%     KMB 5300.24    -0.37%     MPT 49500    -1%     MTUR 5000    -0.99%     OHB 6650    0.77%     OKTA 4550    1.11%     RMDEN17 97.7    0.18%     RZLE 19    0%     RZLV 80    9.59%     SIL 70    0%     TEL 302    0%     TTK 1347.72    -0.17%     UNI 2209    2.98%

Делегација од МЗШВ учествуваше на Агро-економскиот форум меѓу Кина и земјите од Централна и Источна Европа во Литванија

Прв пат после пет години Македонија со свој штанд на саемот „Agrobalt“ во Вилнус, Литванија

Објавено во: Агробизнис 25 Мај, 2018

Прв пат после пет години Република Македонија се претстави со свој национален штанд на еден од најголемите саеми за земјоделство и прехранбена индустрија „Agrobalt“ што се одржува во Вилнус, Литванија. На штандот финансиран од Министерството за земјоделство,шумарство и водостопанство, неколку македонски компании ги претставија своите  земјоделско-прехранбени производи.

Во рамки на саемот се одржа  состанок во врска со Платформата на Европската унија и Форум на високо ниво околу загубите и отпадот од храна, како и 13-тиот Агро-економски форум меѓу Кина и земјите од Централна и Источна Европа (CЕЕC), на кој што една од темите беше дигитализација на земјоделскиот сектор, а на кои што учествуваше делегација од МЗШВ предводена од државниот секретар Нефрус Челику.

Во однос на дигитализацијата на земјоделството на форумот „Паметно земјоделство-иновативни решенија за безбедност на храна“, државниот секретар на МЗШВ Челику  ги претстави политиките на Владата на РМ во делот на воспоставување на системи за иновации во земјоделството и унапредувањето на инфраструктурата за информациски и комуникациски технологии (ИКТ).

„ ИКТ системите играат важна улога во програмирањето на политиките за имплементација во земјоделството и руралниот развој во нашата земја. Врз основа на Интегрираниот систем за администрација и контрола систем, земјоделците аплицираат за државни субвенции по електронски пат, со користење на графички и алфанумерички податоци на нивните производствени капацитети, директно од системите. Исто така, од минатата година, за земјоделците е обезбеден бесплатен интернет пристап до податоците почвената карта на Република Македонија, на која во наредниот период, со поддршка обезбедена од страна на ФАО, ќе се  направи надградба со слој за агро-еколошко мапирање“, порача Челику.

На платформата посветена на справувањето со отпадот и загубите од храна, државниот секретар Челику посочи дека Македонија ќе изработи Национална стратегија за загуби од храна и намалување на отпадот од храна во Македонија, а од минатиот месец, започна процесот на изготвување на Закон за донирање на вишокот на храна, со симулација која беше спроведена со учество на членови на Парламентот и Владата и претставници од приватниот и граѓанскиот сектор. Идните активности ќе вклучат и градење на експерти во рамките на образовните и владините институции, воспоставување Национална целна група со пошироко учество на сите чинители, како и спроведување на кампања на национално ниво за намалување на загубите од храна и отпадот од храна. Очекувањето е дека во првите 2 години од започнувањето на имплементацијата на предвидените активности за 50% ќе се намалат загубите од храна и отпадот од храна во сите сектори.

Во склоп на состанокот на министерско ниво, беше потпишана заедничка декларација во рамки на  платформата за соработка во областа на земјоделството  „16+1“ меѓу Кина и земјите од Централна и Источна Европа, која што меѓу другото предвидува зацврстување на партнерските односи во делот на земјоделството помеѓу Кина и земјите од Централна и Источна Европа , преземање на мерки за развој на руралните средини, олеснување на трговската соработка, поттикнување на заеднички инвестиции и поддршка на земјоделски компании за да се направат инвестиции во рамките на „16+1“.

Можеби ќе ве интересира

Едно од најголемите ветувања на Владата пред реализација

Едно од најголемите ветувања на Владата пред реализација

Министерот Николовски присуствуваше на состанокот на меѓународните министри со германската канцеларка Ангела Меркел

Министерот Николовски присуствуваше на состанокот на меѓународните министри со германската канцеларка Ангела Меркел

МЗШВ: Рекордни 718 понуди пристигнаа за јавниот повик за давање под закуп на државно земјоделско земјиште до 3 хектари

МЗШВ: Рекордни 718 понуди пристигнаа за јавниот повик за давање под закуп на државно земјоделско земјиште до 3 хектари

МЗШВ: Откупени над 15 милиони килограми тутун по просечна цена од 210 денари за килограм

МЗШВ: Откупени над 15 милиони килограми тутун по просечна цена од 210 денари за килограм

Во солитер одгледува зеленчук и од тоа живее

Во солитер одгледува зеленчук и од тоа живее

(ФОТО) ИМ ПРОДАВААТ И НА МАКЕДОНЦИТЕ: Две жени подигнале царство со малини

(ФОТО) ИМ ПРОДАВААТ И НА МАКЕДОНЦИТЕ: Две жени подигнале царство со малини