Првата пациентка заразена со корона вирус: Требаше да се алармира порано

Добивај вести на Viber

Една од првите пациенти со коронавирус во Вухан,  рече дека „многу помалку луѓе би умреле“ ако кинеската влада порано преземела акција, рече таа во февруарското интервју за „Волстрит Журнал“.

Веи Гиксијан, 57-годишна продавачка на морска храна на пазарот Хуанан, беше меѓу првите 27 пациенти кои се заразиле со коронавирусот, што предизвикува респираторна болест позната како КОВИД-19.

Таа за прв пат започнала да ги покажува  симптомите на 10 декември минатата година, а била однесена во болницата „Унион“ во Вухан на лекување помалку од една недела подоцна. 

Се сеќава дека нејзината ќерка постојано ја проверувала и допирала, плашејќи се да не почине одеднаш. 

Другите продавачи од истиот пазар почнаа да се прегледуваат во болницата наскоро. Веи се опорави и ја напушти болницата во јануари. Таа рече дека верува оти ја заболила болеста преку комунален тоалет кој бил споделен со други луѓе на пазарот.

И покрај тоа што се зарази со болеста кон средината на декември, Светската здравствена организација за прв пат доби вести за коронавирусот на 31 декември. Лекарите кои лекувале рани пациенти со коронавирус биле присилени да молчат од кинеската влада“.

Кинеските власти оттогаш забранија отворени пазари - каде се продаваат живи и мртви животни, честопати во лоши санитарни услови - и трговија со живи животни по избувнувањето на епидемијата. 

Од 27 март, коронавирусот зарази повеќе од 597,000 низ целиот свет, а глобалниот број на смртни случаи надмина 27.000. Во Кина, од каде потекнува појавата на коронавирус, има скоро 82.000 заразени и 3.300 смртни случаи.

САД и Италија ја надминаа Кина со 104.661, односно 86.498 лица заразени.