Првата цевка на “Турски поток” ќе проработи во крајот на 2016 година
Објавено во: Економија 07 Мај, 2015
Првата цевка на морскиот гасовод "Турски поток" од Русија до западна Турција ќе проработи по година и пол - на крајот на 2016 година, пренесе руската агенција Интерфакс во четвртокот.
Таа го цитираше соопштението на руската компанија "Газпром" за преговори меѓу министерот за енергетика на Турција Танер Јилдиз и претседателот на рускиот концерн Алексеј Милер, кој изјавил дека "денес се одржаа многу конструктивни и важни разговори, во кои е постигнат договор за пуштање и испораките на гас за "Турски поток" во декември 2016 година ". Тој прецизира дека распоредот на работа на "Газпром" за проектот ќе е во согласност со сегашните аранжмани.
Првата цевка на гасоводот ќе биде наменета за снабдувањето во западниот дел на Турција, која ќе го замени транзитот на руски гас преку Украина. Следните три цевки на гасоводот се планира да ги заменат испораките на руски гас преку Украина за Централна и Јужна Европа, посочува весникот.
Според Европската комисија, сепак тоа е промена во договорите со европските партнери на точката на испораките на руски гас од украинската граница на турско-грчката. Со што тие тешко дека ќе се согласат, освен ако "Гаспром" не им се понуди во замена отстапки во цената на гасот, која и без тоа паѓа поради цената на нафтата.
Информациите за роковите за лансирања на "Турски поток", кој го замени проектот "Јужен поток" за гасовод под Црното Море преку Бугарија, Србија и Унгарија до Австрија, доаѓа неколку дена по медиумски пораки во Русија дека преговорите со Русија за проектот се запрени поради недоразбирања меѓу "Гаспром" и турската државна БОТАС по отстапките во цената на гасот.
Освен тоа пред една недела европскиот комесар за конкуренција Маргарет Вестагер не ја исклучи можноста Брисел да започне проверка дали склучените договори за "Турски поток" ги исполнуваат европските антимонополната правила.