Првиот блок на РЕК Битола со трет испад за 40 дена, за испадот е обвинет МЕПСО
Објавено во: Економија 21 Август, 2024
Од АД ЕСМ денеска објавија дека Блок 1 на РЕК Битола е повторно во испад, како што велат од таму, поради проблеми во системот на МЕПСО.
„Блок 1 на РЕК Битола околу 12 часот прекина со работа заради испад на 110 киловолтен далновод на АД МЕПСО. Редовното и нормално функционирање на Блок 1 беше прекинато бидејќи во критичниот момент, постројката не можеше да ја испорача произведената електрична енергија кон македонскиот електроенергетски систем, по што согласно сигурносните протоколи блокот беше исклучен.
Прекинот во снабдувањето со електрична енергија во неколку населби во Битола во истиот период кога без напон остана и Блок 1 на РЕК Битола се должи на истиот проблем, предизвикан од далеководот на МЕПСО и нема никаква поврзаност со работата на комбинатот.
Паралелно, без проблеми се одвива производството на електрична енергија од Блок 2 на РЕК Битола бидејќи постројката е поврзана со електропреносниот систем на АД МЕПСО преку друг, 400 киловолтен далновод. На Блок 3 во тек се ремонтни активности.
Денешниот испад на Блок 1 на РЕК Битола заради проблеми во преносната мрежа на АД МЕПСО е трет во период од 40тина дена. Стручни лица од РЕК Битола работат на надминување на состојбата и повторно ставање во функција на Блок 1“, објави ЕСМ.
Можеби ќе ве интересира
ИМААТ ПОДДРШКА ОД ПУТИН: Азербејџан поднел барање за членство во БРИКС
СТАТИСТИКА: Германците трошат најмалку за храна во споредба со другите членки на ЕУ
МИНИМАЛЕЦ ОД 450 ЕВРА ИЛИ РАБОТНИЦИТЕ ЌЕ СИ ЗАМИНАТ: ССМ бара итно зголемување на платите
AКЦЕНТ Е СТАВЕН НА ЕНЕРГЕТСКИТЕ ПРОЕКТИ: Министерката Божиновска се сретна со грчката амбасадорка
НОВ ПРЕСВРТ: цените на нафтата паѓаат поради очекувањата за смирување на тензиите на Блискиот Исток
Во јули постигнат нов рекорд! Осигуреници за еден месец вложиле 21 милион евра во неживотни осигурувања
МАЛКУ ПО МАЛКУ, БРАЌАТА СЕ ДОБЛИЖИЈА ДО 19 ОТСТО, АЗМАНОВ ПОЛЕКА СЕ ПОВЛЕКУВА - сопственички промени во „Реплек“
