Првпат играл лото и „фатил“ премија

Добивај вести на Viber

Петтото коло на Новолото одржано на 15.01.2014, ја донесе и првата премија 6+1 годинава. Добитникот на оваа премија е Игор Веселинов од Виница. Тој не е вработен, а кратко пред да ја освои премијата се вратил од Шведска. Таму работел како возач на камион. Интресен е податокот дека со играта во Новолото дебитира во игрите на среќа на Државна лотарија на Македонија. Бројките ги бирал сосема случајно, а уплатата на среќното ливче ја направила неговата мајка, која пак е редовен играч на игрите на среќа. Таа дури и го убедувала малку повнимателно да ги бира бројките кои ќе ги игра. Но, Игор не го послушал нејзиниот совет, сметал дека има добра комбинација на бројки, која и се покажа како добитна. И самиот нагласува дека оваа комбинација од сега ќе биде неговата редовна со која ќе игра. Извлекувањето на 5тото коло, кога ја освои премијата 6+1, не го следел. За тоа била задолжена неговата мајка, која му ја соопштила радосната вест. Државна лотарија на Македонија вечерва организира ново коло од играта на среќа НОВОЛОТО 7/34. Фондот за 7ка и понатаму е во пораст. Во вечерашново 8мо коло фондот ближи до 19 и пол милиони денари или над 300 ијлади евра,а уплатата за него е во тек.