Пуштени дома сите пациенти од гостиварското средно училиште

Добивај вести на Viber

Сите пациенти од гостиварското економско училиште пред неполн час се пуштени дома, соопштуваат  од Клиниката за токсикологија. Бидјеки се чувствувале добро наставниците и родителите сами се потпишале за да ја напуштат болницата. - Имаме одредени резултати кои кај сите се апсолутно во граница на референтни вредности или негативни, чекаме уште резултат од токсиколошките анализи и затоа не можеме одговорно да им кажеме да си одат дома. Но во меѓувреме, пациентите самите си заминуваат на потпис. изјави утрово за Миа д-р Андон Чибишев, директор на Клиниката за токсикологија. Пациентите вчера се пожалиле на симптоми на труење од гас, печење во очите, гребење во грлото и проблеми со дишењето. Треба да се утврди дали труењето е од гас. - Ќе оставиме прво да ги видиме токсиколошките анализи, што е во наш домен, а другото им го оставаме на другите институции да си проверат за што се работи. За нас е најважно пациентите да се добри, да немаме влошување и животно загрозени, рече д-р Чибишев. Влезот на средното гостиварско училиште од вчера го обезбедува полицијата. Таму и денеска, екипи на крим-техника и специјални екипи вршат увид и обезбедуваат траги.

- Истрагата е во тек. Ги чекаме резултатите од крв и урина. За сега не можеме да дадеме никакви конкретни информации. Не знаеме точно за што станува збор, изјави по телефон  јавниот обвинители Ахмет Ахмеди.

Засега нема официјални информации што го предизвикало труењето, првично се знае дека лошата миризба дошла од ходникот, просторот меѓу спорстака сала и објектот во кој се училниците. Во расветлувањето на настанот се очекува да помогнат и снимките од безбедносните камери, поставени во и околу обејктот.