Путин бара од Украина да почне преговори за политички излез од кризата

Добивај вести на Viber

Рускиот претседател Владимир Путин побара од Украина веднаш да започне преговори за политичко решавање на кризата на истокот на земјата. „Треба веднаш да започнеме суштински преговори... за прашањата кои се однесуваат на политичката организација на општеството и државноста на југоистокот на Украина, за да се заштитат легитимните интереси на луѓето кои таму живеат“, рече Путин во емисија на рускиот Канал 1. Ова е првпат рускиот претседател во однос на случувањата во источна Украина да зборува за „државноста“ и за ново политичко уредување на регионите во кои се водат борби помеѓу проруските бунтовници и украинските сили. Досега Москва бараше само поголема автономија за овие области во федерален систем со Украина, кој би бил помалку централизиран. Сепак, портпаролот на Путин, Димитриј Песков, тврди дека тој терминот „државност“ не го употребил во контекст на суверенитет на двата сепаратистички региони. Во емисијата, рускиот претседател не зборувал подетално за најавите за нови санкции од западните земји кон Русија поради случувањата во Украина.