Путин ја вади Грција од мочуриштето, но со инвестиции, не со помош

Добивај вести на Viber

Средбата на грчкиот премиер Алексис Ципрас во Москва со рускиот претседател Владимир Путин не доведе до доделување на руски милијарди за задолжената кон Запад Атина. Путин сепак налеа вода во воденицата на приврзаниците на теоријата за руските тројанци во ЕУ, нудејќи големи инвестиции во грчката индустрија и инфраструктура.

„Грција не ни барала помош, но можеме да пуштиме кредити за заеднички проекти во различни економски сектори“, изјавил Путин.

Руски компании имаат интерес за пристаништа, аеродромите и нафтоводите во Атина, но „СИРИЗА“ треба да реши дали ќе има приватизација и дали ќе дозволи Русија да учествува во неа на една нога со ЕУ и САД. Путин го поканил Ципрас да ја приклучи Грција во гасоводот „Турски поток“, кој сакал да го претвори во европски гасен центар и да донесе вреден капитал и нови работни места.

Председателот на Кремљ изјавил дека нема да прави исклучок за Грција во однос на контрасанкциите против ЕУ поради Украина. Но билатералната соработка во земјоделството, сепак може да се прошири - преку заеднички вложувања. „Русија нема да ги користи контактите со одделни еврочленки, за да се обиде да ги реши проблемите со ЕУ како целина“, додал Путин.

Ципрас изјавил дека патот на санкциите е маѓепсан и дека Грција не се согласува со таа логика зашто е суверена земја која има право да води суптилна надворешна политика.

Германскиот заменик-канцелар Зигмар Габриел го нарече „глупаво“ барањето на Грција од Берлин да и исплати 279 милијарди евра репарации за нацистичката окупација, бидејќи нема да им помогне на Атина да добие повеќе бенефиции.