Путин му нареди на “Газпром” да води преговори со Украина за транзит на гас и по 2019 година

Добивај вести на Viber

Претседателот на Русија Владимир Путин наредил да започнат преговори за продолжување на преносот на гас преку Украина и по 2019 год. кога истекува последниот од транзитните договори меѓу Москва и Киев.

Ова во петокот го соопштил шефот на "Газпром" Алексеј Милер.

Милер прецизира дека предлозите на Украина за транзитна такса од 5 долари за 1.000 кубни метри природен гас не е одржлива на оваа фаза при оперирачката сегашна цена од 2,7 долари за истото количество.

Во април оваа година, Алексеј Милер изјави дека по изградбата на "Турски поток" транзитот на сино гориво во Украина ќе биде целосно прекинато. Сега работите изгледа се менуваат-Милер неколку пати изјави дека преговори за продолжување на транзит на гас преку Украина ќе има кога наближи датумот на истекување на постојниот договор.

Според експертите, оваа нова позиција на Русија е резултат на тешкотиите околу изградбата на "Турски поток" и сомнежите дека по него ќе може да се снабдува доволно количество природен гас за Источна и Централна Европа, како и дека ќе се најде потребното за градежништво финансирање.

Во исто време одбивањето од украинските гасоводи на пракса е чисто политичко решение, кое носи милијарди долари загуба за "Гаспром" и рускиот буџет, што во услови на криза и пад на дела во земјата БДП не е за занемарување.