Путин: Русија не сака војна со никого, туку соработка

Добивај вести на Viber

Рускиот претседател Владимир Путин изјави дека Русија „нема намера да води војна со никого“, еден ден по разговорите за решавање на украинската криза со францускиот претседател Франсоа Оланд и германската канцеларка Ангела Меркел.

„Со никого не сакаме да војуваме. Ние сакаме да соработуваме со секого“, изјави Путин, а неколку часа претходно Оланд изјави дека мировниот план е „последната шанса да се избегне војната“.

Никаква информација за содржината на вчерашните разговори не е објавена после по состанокот на тројцата лидери во Кремљ.

Потпаролот на Путин Дмитри Песков истакна дека разговорите се во „тековната работа на нацрт-текстот на можни заеднички документ за имплементација на договорот од Минск, кој ќе вклучи предлози на претседателот на Украина Петро Порошенко и Владимир Путин“.

„Фала му на Бога, нема војна, но сигурно е дека се обидуваат да го спречат нашиот понатамошен развој“. Постои обид да се „замрзне “светскиот поредок само со еден светски лидер, кој беше инаугуриран последните децении по падот на Советскиот Сојуз“, рече Путин.

„Тој лидер смета дека може се да си дозволи, но на другите не им дозволува ништо без негово одобрение, иако тоа не е во негов интерес. Таквиот светски поредок не и одговара на Русија“, изјави Путин, додавајќи дека неговата земја „не може да живее во ситуација на полу -окупација“.

Поради конфликтот во источниот дел на Украина, кој започна пред десетина месеци, и кои однесоа повеќе од 5.300 животи, односите меѓу Русија и Западот се на најлошо ниво од крајот на Студената војна.