РАБОТНИЦИ НИ ЗА ЛЕК: Се надеваат на српски, бугарски, романски кадри
Објавено во: Финансии 09 Септември, 2017
Во моментов, просечната месечна бруто-плата во Чешка е 1.128 евра, а во Прага, каде што трошоците за живот се највисоки, просечната бруто-плата e 1.424 евра.
Kомпаниите во земјата очајно бараат работници, па затоа се насочуваат кон работници од Украина, Романија, Бугарија, Србија и Монголија.
Работодавците преку агенцијата за работа во текот на август понудиле 199.273 слободни работни места.
Со најниска стапка на невработеност, од 2,6%, може да се пофали плзењскиот регион, што се наоѓа на запад, како и главниот град Прага, каде што е забележана стапка на невработеност од 2,9%. Најголемиот дел од невработените, 6,1%, се од устецкиот регион на север и моравско-шлезискиот дел од земјата.
Вработувањето по завршувањето на студиите не им создава голема главоболка на младите Чеси.
Мнозинството Чеси, како што покажуваат истражувањата на центарот за социолошки анализи „Стем“ во Прага, сметаат дека во државата невработени се само оние кои не сакаат и не се заинтересирани да работат. Изборот на работни места во домашните компании, индустријата и странските фирми, од најдобро платените во ИТ секторот, до поскромните за работа во маркетите е голем.
Тие имаат одлив на лекари, но во Германија.
Според методологијата на Заводот за статистика, кога ќе се земат предвид и Чесите во продуктивните години што не бараат работа и не планираат да работат, невработеноста во Чешка паѓа на дури 2,9%.
Во август стапката на невработеност во Чешка паднала за 4%, што е најниската стапка на невработеност во последните 20 години.
За едно слободно работно место сега конкурираат 1,5 невработени. Во споредба со јули, стапката на невработеност се намалила за 0,1% до 4%, а агенцијата за вработување во Чешка, земја со повеќе од 10 милиони луѓе, регистрирала само 296.826 невработени.