Рама: Во борбата за власт во Македонија Албанците беа користени како алиби
Објавено во: Балкан 01 Мај, 2017
Албанскиот премиер Еди Рама смета дека во „борбата за власт во Македонија Албанците биле користени како алиби“.
„Ние имаме право да ги потсетиме нашите македонски соседи дека многу сакаме Албанците кои не се малцинство, а државотворен народ, да ги поседуваат истите слободи и права како Македонците“, рекол Рама и додал:
Ние сакаме една демократска и економски просперитетна Македонија, која ќе биде пример за хармонија меѓу соседите и да биде место каде што ниту еден Албанец нема да се чувствува како граѓанин од втора категорија.
„Повторно повикувам за мир, трпение и за повеќе волја во овие тешки услови за да не се вклучиме во политички конфликт и да не дозволиме Албанците да бидат алиби за овој конфликт, бидејќи нашата огромна желба е Македонија да јанадмине оваа криза, која ескалира, каде за жал Албанците беа користени како алиби во борбата за власт“, рекол уште албанскиот премиер Еди Рама.