Рама за уапсените косовски специјалци: Од вчера 100 отсто сме фокусирани на нивното ослободување

Добивај вести на Viber

Целосно сум фокусиран на ослободувањето на косовските полицајци, деескалацијата останува приоритет, вели  aлбанскиот премиер Еди Рама. 

Рама попладнево повторно реагираше поради апсењето на тројцата косовски полицајци, истакнувајќи дека КФОР нема да излезе со јавни заклучоци за локацијата на тројцата косовски полицајци, јави АТА.

„И покрај различните тврдења за локацијата, тие мора да се вратат дома што е можно поскоро. Од вчера 100 отсто сме фокусирани на нивното ослободување“, потенцира Рама.

Албанскиот премиер вели дека „нема паралела меѓу тројцата полицајци и лицето со криминално досие, уапсено од косовската полиција на северот“.

Албанскиот претседател Бајрам Бегај претходно случајот со косовските полицајци го оцени како сериозен провокативен чин „кој има за цел да го дестабилизира не само Косово, туку и целиот регион“.

Пратеничката на движењето „Самоопределување“, Фиторе Пацоли, смета дека одлуката на албанскиот премиер Еди Рама да ја откаже седницата на двете влади е голема грешка, пренесува Коха. Вели дека Албанија не е со нив кога е потребно. 

foto facebook