Рамчиловиќ објави фотографија со Спасовски по веста дека ќе го менува
Објавено во: Македонија 02 Октомври, 2022
Пратеникот од редовите на СДСМ, Зеќир Рамчиловиќ, објави фотографија со министерот за внатрешни работи Оливер Спасовски по медиумската гласина дека тој ќе биде негов наследник.
Порталот на албански јазик, Топ 24, пишуваше дека поради внатрешен притисок во партијата, се очекува Оливер Спасовски да си поднесе оставка а него би требало да го замени, верувале или не, Зеќир Рамчиловиќ.
-Заменикот Зеќир Рамчиловиќ е еден од кандидатите за функцијата министер за внатрешни работи на Македонија, иако претходно се шпекулираше дека тој ќе стане македонски амбасадор во Црна Гора.
„Со најдобриот министер за внатрешни работи од осамостојувањето до денес, Оливер Спасовски“, објави Рамчиловиќ, без при тоа да прецизира од кога датира заедничката фотографија.
Инаку тој е познат како еден од осумтемина пратеници кои го напуштија ВМРО-ДПМНЕ и гласаа за уставни измени за промена на името. Потоа тој доби пратеничко место од СДСМ.