Добивај вести на Viber
Љубовта нема граници, а некогаш има една нишка на спојување за двајца млади.
Вљубеноста во македонскиот јазик и македонската култура, Сила Екин од Турција и Миколај Зараѓи од Полска, од две различни страни на Европа ги довела крај брегот на Охридското Езеро, на 55. Летна школа на МСМЈЛК при УКИМ. Исто како и уште шеесетина други семинаристи од различни страни на светот.
Но, тие двајца почувствувале и сфатиле дека за нив, македонскиот јазик е јазикот на љубовта. И тука, крај Охридското Езеро, на македонски јазик, еден на друг си реколе: ТЕ САКАМ!
Ова го објави на својата фејсбук страница го објави Меѓународниот семинар за македонски јазик, литература и култура.
Оттаму дополнуваат дека пет месеци потоа, дури траела Третата зимска школа на МСМЈЛК при УКИМ, еден на друг си ветиле вечност на нивната љубов.
„Драги Сила и Миколај, ви посакуваме љубовта еден кон друг и среќата во заедничкиот живот, секојдневно да ви се распламтуваат. А заедно со нив и вашата заедничка љубов кон македонскиот јазик и македонската култура заради која тука, во срцето на Балканот ви се вкрстија патиштата и вашите срца започнаа забрзано да чукаат - срцето на Сила за Миколај, а срцето на Миколај за Сила, во ритамот на македонскиот 7/8 такт.
Ве очекуваме, повторно, но овојпат заедно да дојдете крај брегот на Охридското Езеро, онаму каде што првпат си подадовте рака и зачекоривте заедно по патот.
Вашата приказна е (и) убава македонска приказна. Раскажувајте ја (и) на македонски јазик“, се вели во објавата од Меѓународниот семинар за македонски јазик, литература и култура.