Добивај вести на Viber
Во последното тримесечје од минатата година македонската економија забележа раст од 3,2%, покажуваат проценетите податоци на Државниот завод за статистика.
На годишно ниво, минатата 2013 година Македонија ја завршила со раст на БДП од 3,1%.
Во четвртото тримесечје од 2013 година бил забележан пораст во повеќето сектори. Најголем пораст е забележан во градежништво - 32,1 отсто, хотели и ресторани - 4,4 отсто и рударство и вадење камен; преработувачка индустрија и снабдување со електрична енергија, гас и вода - 2,6 отсто.
Финалната потрошувачка на домаќинствата, вклучувајќи ги непрофитните институции што им служат на домаќинствата, во четвртото тримесечје од 2013 година, номинално расте за 2,4 отсто. Во истиот период, извозот на стоки и на услуги номинално се зголеми за 5,2 отсто, а увозот на стоки и на услуги забележа намалување во номинален износ од 2,3 отсто.