Раст за доларoт по силните податоци од САД

Добивај вести на Viber

Доларот порасна за време на трговијата во четвртокот, откако беше поддржан од силните податоци за барањата за помош при невработеност. До 04 февруари ново поднесените молби се 234 000 спрема 246 000 недела порано. Прелиминарните прогнози на економистите беа тие да се зголемат за 250 000. Во исто време Доналд Трамп ја објави уште еднаш намерата за намалување на корпоративниот данок за американските компании.

Говорејќи Џејмс Булард, кој е претседател на ФЕД за Сент Луис, рекол дека каматните нивоа во САД можат да останат ниски во 2017 година. Булард очекува само едно кревање на основната каматна стапка во текот на оваа година а на редовното заседание на ФЕД во март не смета дека централната банка на САД ќе ја  заостри монетарната политика.

Коментарите од страна на Трамп дека ќе им даде даночни олеснувања на американскиот бизнис, ја поддржаа американската валута. Доларскиот индекс кој ги мери зелените пари спрема шест од главните валути, се зголеми за 0,4 отсто до 100.17 поени. Јенот загуби околу еден процент од вредноста во однос на доларот, но и покрај тоа двојката продолжува да се движи во интервалот 110.60-115.15.

Новозеландскиот долар продолжи со поевтинувањето по седницата на новозеландската централна банка, достигнувајќи 0.7215.

Швајцарскиот франак отскокна од 200-дневната средна при 0.9885. Швајцарската валута се тргува во зоната околу паритетот.