Расте бројот на инфицирани во Нов Зеланд иако се во локдаун
Објавено во: Свет, Корона Вирус 21 Август, 2021
Иако се во локдаун, сепак расте бројот на заразени во Нов Зеланд. Здравствените власти денеска соопштија дека трите лица во Велингтон што неодамна го посетија Окленд се инфицирани. Владата на Нов Зеланд го продолжи „локдаунот“ во целата земја најмалку до вторник, откако се зголеми бројот на заразени со коронавирусот. Тие велат дека бројот на заразени сега е 31. Досега, Нов Зеланд успешно се бореше со епидемијата, а меѓу пет милиони жители од ковид-19 починаа само 26 луѓе. Епидемијата на вирусот во Нов Зеланд, која неодамна повторно избувна по шест месеци, се прошири од најголемиот град Окленд до главниот град Велингтон. 20 проценти од населението е вакцинирано против коронавирусот. Нов Зеланд за еден заразен ставаше цели градови во карантин.