Добивај вести на Viber
Македонската економија минатата година има раст од 3,8%, покажуваат податоците на Државниот завод за статистика. За годинава се очекува раст од 4,1 процент, но меѓународните институции ја намалија прогнозата на Народна банка од 4,1 на 3,8 %.
Веќе три месеци наназад земјава се соочува со политичка нестабилност која има неизвесна разврска и истата според гувернерот на народната банка
Димитар Богов би можела биде закана за економијата и да се одрази со негативни последици, рече неодамна гувернерот.
Народната банка на Република Македонија сепак не ги намали проекциите. НБМ очекува растот на економијата годинава да биде 4,1 процент, а 4,5 во 2016 година, изјави неодамна гувернерот Димитар Богов.
Официјален Брисел пак очекува растот на БДП на Македонија да достигне 3,8%. Зад нас би се позиционирале Ирска и Малта со раст од 3,6%. Негатива ќе има Кипар, а минимален раст Финска, Хрватска, Грција и Италија. Просечниот раст во Унијата се проектира на 1,8%.
Европската банка за обнова и развој, пак смета дека растот годинава би изнесувал 3,5%, а в година 3,7%.
Аналитичарите пак сметаат дека анализата на податоците укажува на проблемот, што растот во македонската економија, не само сега туку години наназад е нееднакво распределен кај слоевите, па најсиромашните помалку го чувствуваат.
„Она што овие податоци не го кажуваат, а што е негативната страна на растот на БДП, е што тој е нерамномерно распореден низ слоевите. Имено, според некои показатели, голем дел од овој раст се акумулира кај слоевите кои се повисоко на доходовната скала и не може да се каже дека е во корист на сиромашните, вели аналитичарот Благица
Петрески.
Според податоците на НБРМ, вкупната економија во земјава во 2013 година имаше раст од 2,7%, а додека во 2012 година економијата беше во минус од 0,5%. За годинава пак се прогнозира раст на БДП од 4%.