Разводот на Брисел и Британија некој мора да го плати

Добивај вести на Viber

ЕУ предупреди дека следната фаза за Брегзит ќе биде одложена за два месеци, затоа што Обединетото Кралство одбива да работи со Брисел на „бракоразводната парница“.

Се наведува дека има ексклузивна информација дека главниот преговарач на ЕУ за Брегзит Мишел Барние го изнел тоа предупредување на приватен состанок со амбасадорите на ЕУ во Брисел.

ЕУ соопштила дека нема да разговара за трговија или идниот однос на Лондон и Брисел се додека не се постигне „доволен напредок“ по прашањето за заштита на правата на граѓаните, границата со Северна Ирска и финансиските прашања.

Според првичниот план на Барние, ЕУ на самитот во октомври би требало да изнесе проценка за „двојниот напредок“ , но на европските амбасадори сега им рекол дека тоа е малку веројатно.

Грубата проценка на ЕУ е дека Британија должи околу 60 милијарди евра по напуштањето на ЕУ врз основа на различни правни обврски кои Лондон ги прифати како член на ЕУ.

Велика Британија пак е уверена дека ќе постигне доволно во преговорите до октомври како би можеле разговорите за идниот однос на Лондон и Брисел да влезат во нова фаза.