Развојот на сточарството и градинарството, заеднички предизвик за Македонија и Унгарија
Објавено во: Агробизнис 15 Ноември, 2012
Да се интензивира соработката меѓу Македонија и Унгарија, пред се во делот на сточарството и производството на зеленчук, се договорија денеска унгарскиот министер за рурален развој, Шандор Фазекаш и македонскиот министер за земјоделство, Љупчо Димовски.
Според Димовски во фокусот на соработката е интензивирањето на размената, но и како што вели тој, за нас важните унгарските искуства за евроинтеграцискиот процес.
Двајцата министри се договориле дека биотехнологијата и заштитата на животната средина се два сегменти во коишто треба да се развива идната соработка, а со цел понатамошно продлабочување на односите беше потпишан и заеднички меморандум за соработка во земјоделството.
„Унгарија ги поддржува евроатланските аспирации на Македонија, но дојде време да ја интензивираме и соработката во областа на земјоделството“, изјави министерот Фазекаш кој исто така најави дека е отварена можноста македонски експерти да се дообразуваат на унгарскиот универзитет.
Македонија годишно од Унгарија увезува земјоделски производи во вредност од 6 милиони евра, пред се житарици и месни производи. Македонскиот извоз во Унгарија е двојно помал, 3 милиони евра годишно, а најмногу се извезува зеленчук и вино.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
