Реизбраниот Ахмети предупреди - без Охридскиот договор никој нема да не има за партнер
Објавено во: Македонија 21 Декември, 2019
Али Ахмети не се симнува од тронот на ДУИ. Тој на денешниот четври конгрес едноглсно и со акламација беше реизбран за претседтаел на партијата.
Старо-новиот лидер, во своето обраќање, вети победа на предвремеите парламентарни избори. Рече дека ќе соработуваат со оние партии кои ќе ги почитуваат Охридскиот договор, како и Договорот со Бугарија.
„Нема ни простор ни момент да се вртиме назад за нешто поинакво. Овие начела се затворени и обезбедуваат посигурна иднина на Република Северна Македонија. Секое настојување за ставање раце на овие три елементи ќе биде соочено со отпор од нас и нема да ја има како партнер ДУИ, зашто вака се ставаат во непријатна ситуација нашите народи, нашите граѓани и иднината на младите во државата“, рече Ахмети во својот говор.
Лидерот кој и во наредниот период ќе раководи со ДУИ, повика на помирување, развој на образованието, почитување на законот за употребата на јазиците. Вети дека никогаш нема никого да посрамотат затоа што се државотворна партија. Според Артан Груби ДУИ ќе биде одлучувачки фактор за новата Влада што ќе се формира по 12 април.