РЕКОНСТРУКЦИЈА: Кога Заев ќе ги смени неуспешните министри и директори?
Објавено во: Македонија 12 Април, 2018
Премиерот Зоран Заев изјави дека до крајот на април ќе има реконструкцијата на Владата преку која ќе бидат сменети министри и директори кои не постигнале успех во работењето во изминатиот период.
„Очекувам реконструкција да резултира со зголемување на парламентарното мнозинство и да се промени она што немало прогрес. Ако немало прогрес, нормално е да има промена на кадри. Сето тоа е анализа на органите. Штом ќе имам ставови, ќе ги соопштам“- изјави Заев.
Дел од реконструкцијата ќе значи пополнување на позициите, а дел и промена, рече Заев. Премиерот рече дека граѓаните очекуваат резултати. Тој рече дека не е точно дека се договара со ДУИ замена на Министерството за правда со Министерството за образование. Заев е задоволен што ВМРО-ДПМНЕ се врати во Собранието.