Рекордни казни за светските банките поради местење на курсот

Добивај вести на Viber

Четири големи банки ќе платат казни во вредности од 2,5 милијарди долари и ќе се изјаснат виновни за манипулирање со глобалните девизни пазари од 2007 година, според нагодбата постигната со американското министерство за правда.

Банките „JPMorgan Chase“, „Citigroup“, „Barclays“ и „Rojal Bank of Scotland – RBS“ се договарале меѓу себе да го местат курсот на американскиот долар и евра со кои се тргуваше на глобаниот пазар на девизи, се наведува во нагодбата постигната помеѓу тие банки и американското министерство за правда.

Трговците со девизи наводно ги делеле податоците за порачки на клиентите преку чет соба и ги користеле тие информации да остварат добивка. Тие кривични активности се одвивале помеѓу декември 2007 и јануари 2013 , се наведува во спогодбата.

Уште една банка, UBS, се согласила да се изјасни виновна за манипулација на клучните каматни стапки и ќе плати одделна казна од 203 милиони долари. Поширок договор бил долго очекуван.

Банките минатата година заедно се казнети со 1,4 милијарди долари поради улогата во таа шема.

Големите банки се казнети со повеќе милијарди долари поради улогата во надуените пазари на недвижности и финансиска криза која изби како последица на тоа. Но во споредба со ова најновите казни се големи. Ако се вклучи одделниот договор со американските Федерални резерви (централаната банка) банките ќе платат речиси девет милијарди долари во казни поради манипулации на пазарот на девизи.

Американската државна обвинителка Лорета Линч рекла дека речиси секој ден пет години, од 2007 , трговците со девизи користеле приватни електронски чет соби да манипулираат со девизните курсеви.

Нивните дела оштетиле безброј корисници, инвеститори и институции ширум светот, рекла таа.

Регулаторните тела навеле дека помеѓу 2008 и 2012 неколку трговци формирале картел и користеле соби за чет да манипулираат со цените во своја корист. Членовите на картелот знаеле за планот и можеле да профитираат.

„Биле уклучени во дрско наместување да ги ограбат своите клиенти“, рекол надзорникот за финансиски услуги во државата Њујорк Бенџамин Лоски.

Се смета за значајно дека постигнатиот договор вклучува и изјаснување на банките дека се виновни, затоа што банките во претходните истраги не се изјаснувале за виновни.